Полиция Москва яқинида тўпланган ҳайдовчиларни «Тўхташ тақиқланади» белгиси ёрдамида тарқатиб юборди

Полиция Москва яқинида норозилик намойиши учун тўпланган узоқ масофага қатновчи ҳайдовчиларни тарқатиб юборди. Бу ҳақда «Газета.ru» хабар бермоқда.

3 декабрь, пайшанба куни ҳайдовчилар колоннага жамланиб, федерал йўлларда ҳаракатланганлик учун тўловларга қарши намойиш ўтказиш учун пойтахт атрофида тўпланган. Полициячилар ҳайдовчиларни махсус автотураргоҳга ўтиш ва транспорт вазирлиги вакиллари билан учрашишга давъат этган, бироқ ҳайдовчилар бундан бош тортган.

Шундан сўнг машиналар тўпланган жойда полиция «Тўхташ тақиқланади» белгисини ўрнатган. Маълумотларга кўра, белги пайдо бўлганидан сўнг ҳайдовчиларнинг ҳужжатлари олиниб, машиналар рухсат этилмаган жойда тўхтатилганлиги учун баённомалар расмийлаштирилган.