Тошкент шаҳрида 1 декабрь, сешанба куни соат 11:14 да кучсиз ерости силкинишлари сезилди. Бу ҳақда «Тошкент» марказий сейсмостанцияси «Дарё»га маълум қилди.
Зилзила эпицентри Тошкент шаҳридан 350 километр шарқда, Қирғизистон ҳудудида жойлашган. Ерости силкинишлари магнитудаси эпицентрда 5,5 ни ташкил этган.
Зилзила кучи Тошкент ва Фарғона шаҳарларида Рихтер шкаласи бўйича 2 баллни, Андижон шаҳрида эса 2,5 баллни ташкил этди.
Маълумот учун, ноябрь ойи давомида Қирғизистон ва Афғонистон ҳудудида юз берган зилзилаларнинг аксарияти Ўзбекистон ҳудудида ҳам сезилди.
Жумладан, Тошкентда 17 ноябрь куни 22:29 да 2,5—3 балли, 20 ноябрь куни 9:46 да эса 2 балли, 21 ноябрь куни 5:16 да 2 балли, 22 ноябрь куни соат 23:16 да 1—2 балли, 25 ноябрь куни соат 21:45 да Андижонда 2 балли зилзилалар сезилди.
Аввалроқ Ўзбекистон Сейсмология институти Тошкент шаҳрида 10 балли ер силкиниши содир бўлиши ҳақидаги миш-мишларни рад этиб чиққанди. Бундан ташқари, 2015 йил охиригача Ўзбекистонда зилзилалар ҳақида тезкорлик билан маълумот берувчи сейсмостанциялар тармоғи ташкил этилиши маълум қилинган.
Изоҳ (0)