Ўзбекистоннинг саккиз вилояти — Тошкент, Сирдарё, Жиззах, Самарқанд, Бухоро, Навоий, Қашқадарё ва Сурхондарёда 5 декабрь куни қор ёғиши мумкин. Бу ҳақда «Ўзгидромет» хабар бермоқда.
Хабар беришларича, 3—5 декабрь кунлари бутун Ўзбекистон бўйлаб ёғингарчилик кутилади, жумладан, 5 декабрь куни Тошкент, Сирдарё, Жиззах, Самарқанд, Бухоро, Навоий, Қашқадарё ва Сурхондарё вилоятларида ёғингарчилик қорга айланиши мумкин.
2—4 декабрда Ўзбекистонда ҳаво ҳарорати кундузи +12...+20 даража илиқ бўлиши кутилмоқда. 5 декабрда Қорақалпоғистон Республикаси, Хоразм, Бухоро, Навоий вилоятларида ҳаво ҳарорати кундузи 0...+5 даражагача, Тошкент, Самарқанд, Сирдарё, Жиззах, Қашқадарё ва Сурхондарё вилоятларида +3...+8 даражага пасаяди.
Фарғона водийси вилоятлари — Андижон, Фарғона ва Наманганда 2—5 декабрь кунлари давомида ҳаво ҳарорати кундузи +10...+15 даража илиқ бўлиши кутилмоқда. 5 декабрь куни, Ўзбекистоннинг бошқа ҳудудларидаги каби, водийда ҳам шамол тезлиги сониясига 15—20 метргача кучайиши мумкин.
Изоҳ (0)