Россиянинг «Лукойл» ОАЖ нефть компанияси 2015 йил январь—сентябрида Ўзбекистонда қазилмаларни қидириб топиш ва қазиб олишга 759 миллион доллар инвестиция киритди, дея хабар бермоқда UzDaily.
Ўзбекистонда қазилмаларни қидириш ва қазиб олиш учун капитал харажатлар ўтган йилнинг шу даврига (549 миллион доллар) нисбатан 38,25 фоизга ошган.
2015 йилнинг учинчи чорагида Россия компаниясининг Ўзбекистонга инвестициялари 263 миллион долларни ташкил этди, таққослаш учун, 2014 йилнинг шу чорагида бу кўрсаткич 248 миллион долларга тенг эди.
2004 йилдан буён «Лукойл» «Ўзбекнефтгаз» Миллий холдинг компанияси билан ҳамкорликда Ўзбекистонда кенг қамровли лойиҳаларни амалга ошириб, мамлакатдаги энг йирик чет эл сармоядори ўрнини сақлаб келмоқда.
Айни пайтда «Лукойл» Ўзбекистонда учта лойиҳани амалга оширмоқда.
Изоҳ (0)