ОАВ: Германияда Париждаги террорчиларга қурол сотган савдогар қўлга олинди

Германия полицияси Париждаги терактларда террорчилар томонидан фойдаланилган қуролларни сотган сотувчини қўлга олди, деб хабар беради «Газета.ru».

Германияда экстремистлар Хитойда ишлаб чиқарилган иккита Калашников автомати ва Югославияда чиқарилган иккита «Застава М 70» автоматини қўлга киритган.

Полиция Саша В. номли кимса 7 ноябрь куни исми кўрсатилмаган «парижлик арабга» қурол сотганлигини аниқлади. Бу маълумотни савдогар смартфонига қайд этган. У ҳуқуқни муҳофаза қилиш органлари томонидан ҳибсга олинганлиги таъкидланмоқда.

Нашрнинг маълум қилишича, магштадтлик Саша В.нинг интернетда ўз савдо майдони бўлган. Унинг уйида тинтув ўтказилганда, 16 та ўқотар қурол топилган.