Ўзбекистонлик теннисчи Влада Якшибарова Исроилнинг Тель-Авив шаҳрида ўтказилаётган турнирдаги иштирокини муваффақиятли давом эттирмоқда, деб хабар беради «Оламспорт».
Мукофот жамғармаси 10 минг АҚШ долларини ташкил этувчи ушбу мусобақада Влада олтинчи рақам остида таснифланган.
Влада яккалик баҳсларининг илк босқичида украиналик Вероника Стотикани 6:2, 6:7(9), 6:1 ҳисобида мағлуб этганди. Кеча, 25 ноябрь куни Якшибарова иккинчи даврада молдовалик Юлия Хелбетдан 6:4, 6:1 ҳисобида устун келди. Якшибарова чорак финалда турнирнинг биринчи ракеткаси чехиялик Барбора Стефковага қарши кортга чиқади.
Влада жуфтликлар мусобақасида россиялик Ольга Дорошина билан бирга биринчи рақамли жуфтликни ҳосил қилган. Улар илк босқичда россиялик теннисчилар – София Салимова ва София Вайнберг ҳамкорлигини 6:1, 6:3 ҳисобида мағлуб этди.
«Оламспорт»нинг ёзишича, энди Влада ва Ольга чорак финалда руминиялик Елена-Теодора Кадар ҳамда молдовалик Юлия Хелбетга қарши кортга чиқади.
Изоҳ (0)