Хитойда 2015 йил охирига қадар фавқулодда шароитлар — бўрон, жазирама ва қаҳратон совуқда ҳаракатланишга қодир тезюрар поезд пайдо бўлади. Бу ҳақда National Geographic хабар бермоқда.
Янги моделни яратиш устида CRRC Corp давлат компанияси уч йил давомида иш олиб борди. CRH2G поезди қум бўронлари, кучли шамол ва денгиз сатҳидан 3,6 минг метр баландликда ҳаракатланиши мумкин. 40 даража совуқдан 45 даража иссиққача бўлган ҳароратда ишлай олади, интенсив ультрабинафша нурланишига бардошли.
Поезд соатига 250 километр тезликка чиқиши мумкин, гарчи бу темирйўл транспортидаги энг юқори кўрсаткич бўлмаса-да, фавқулодда об-ҳаво шароитларида бу талаб ҳам этилмайди. Компания янги поезд дунёнинг кўплаб мамлакатлари, биринчи галда, Яқин Шарқ давлатлари ва Россияда қизиқиш уйғотишига умид қилмоқда.
Изоҳ (0)