Тайваннинг HTC компанияси глобал олди-сотди доирасида 26 ноябрдан 2 декабргача ўзининг янги қурилмаси — HTC One A9 ни 2014- ва 2015 йилда ишлаб чиқарилган iPhone смартфонларига қўшимча тўловсиз алмаштиради. Шунингдек, бошқа компанияларнинг машҳур моделларини ўз гаджетига алиштиришда ҳам яхшигина иқтисод қилишни таклиф этади, дея хабар беради «Mail.ru».
HTS Apple маҳсулотига ўхшашлиги учун танқид қилинган One A9 номли янги смартфони iPhone ўрнини босишга қодирлигини қайта-қайта таъкидлаганди. Энди ишлаб чиқарувчи буни чиндан ҳам амалга оширмоқда. Компаниянинг Америкадаги ваколатхонаси эски қурилмани янгисига алмаштириш хизматидан фойдаланиш истагидаги харидорлар 499 доллар турадиган HTC One A9 учун 100 фоизлик чегирмага эга бўлишини эълон қилди. Мазкур акцияда iPhone 6, iPhone 6 Plus, iPhone 6s ва iPhone 6s Plus иштирок этади.
Мижоз Samsung Galaxy S6 ёки Galaxy S6 edge топширгудек бўлса, янги смартфон нархи 200 долларга камаяди. Таклиф LG қурилмалари — G3 ва G4 учун ҳам амалда бўлади, бироқ улар учун чегирма атиги 100 долларни ташкил этади.
Изоҳ (0)