Жиноят ишлари бўйича Тошкент шаҳар Юнусобод тумани суди абитуриентларни ўқишга киритиш ҳақидаги ёлғон ваъда билан фуқароларнинг пулини ўзлаштирган уч кишидан иборат жиноий гуруҳ устидан ҳукм чиқарди. Бу ҳақда «Ҳуқуқ» газетаси хабар бермоқда.
Жиноий гуруҳ аъзоларининг мазкур ваъдасига ишонган аёл, 4,5 минг доллар пулни жиноий гуруҳ аъзоларига топширади. «Бир ҳафтадан кейин ўғлингиз ўқишга келаверсин, шу ерда учрашамиз», — деб хайрлашган жиноятчилар, ном-нишонсиз йўқолади. Шундан сўнг жабрланувчи аёл ҳуқуқни муҳофаза қилиш идораларига мурожаат қилишга мажбур бўлади.
Тез орада қўлга олинган жиноятчилар тергов жараёнида камида яна икки фуқарони алдаб, уларнинг яқинларини Тошкент Давлат педагогика унирвеситетига киритиб қўйиш ваъдаси билан умумий ҳисобда 6 минг доллар пул олганини тан олган.
Суд жиноий гуруҳнинг икки аъзосини 5 йил 6 ойга озодликдан маҳрум этиш ҳақида ҳукм чиқарган. Гуруҳнинг учинчи аъзоси ҳам, «Ҳуқуқ» газетасининг ёзишича, «қилмишига яраша жазосини олди».
Изоҳ (0)