НАТО ва Россия бир-бирида ўзаро таҳдидни кўрмоқда. Бу фикр, «Газета.ru» хабарига кўра, Россия президенти матбуот котиби Дмитрий Песков томонидан билдирилди.
Песковнинг сўзларига кўра, айнан шу сабабли ҳам Москва альянснинг «олдиндан билиб бўлмас феъл-атвори» қаршисида ўз хавфсизлигини таъминлаши шарт.
«Афсуски, НАТО ҳам бизга таҳдиддек кўринади. Бахтга қарши, мазкур ўзаро ҳамжиҳат ҳиссиёт бизни НАТОнинг олдиндан билиб бўлмас феъл-атвори қаршисида ўз хавсизлигимизни таъминлашга қаратилган баъзи чораларни кўришга мажбур қилади», — деди Песков.
Айни вақтда, Песковнинг қайд этишича, НАТО, Вашингтон ва Лондон билан алоқаларни бузиш ташаббуси Россиядан чиққан эмас.
Аввалроқ Россия президенти Владимир Путин Россияни унинг чегараларига «демократия»нинг яқинлашиб келаётгани эмас, балки НАТОнинг ҳарбий инфратузилмалари яқинлашаётгани хавотирга солаётганини айтиб ўтганди.
Изоҳ (0)