Роппа-роса икки йил мобайнида Facebook’даги «Водители Ташкента» ҳамжамияти иштирокчилари сони 200 тадан 37162 тага етди. Қандай қилиб ва нега? Биз «Водители Ташкента» ҳақидаги барча афсоналарга ойдинлик киритамиз.
Йўлларимиздаги муаммолар ҳар бир шаҳарликка болаликдан аён бўлса керак. Йўқ, бу ўринда сўз носозлик, инфратузилмаларнинг йўқлиги ва шу кабилар ҳақида эмас, ҳайдовчилик маданияти ҳақида бормоқда. Агар сиз ҳеч бўлмаса бир марта сариқ чироқ ёнганда ғазаб билан берилган сигналдан сесканиб тушган, йўлдаги тўсиқдан сакраб ўтаётган пиёда сифатида «кўнгилларни ийдирган» бўлсангиз ёки йўлнинг у тарафига ўтаётган одамларни уриб кетишига сал қолган ва йўлингизни кесиб ўтган автомобиль тормози овозини эшитиб, асаб билан педални босган бўлсангиз, бу мақолани шунчаки варақлашга шошилманг. Бу мақола Сиз учун. Аниқроғи Биз ҳақимизда.
«СТОПХАМ» ёки ҳайдовчилар нега ойнага наклейка ёпиштиришга қизиқиб қолди?
Афсона №1: қандай наклейка ёпиштиришнинг фарқи йўқ, ҳамма «ВТ» бир хил. Йўқ, бундай эмас.
Тонг. Шаҳар маркази. Амир Темур кўчасида иккита чорраҳа бор. Статистика бўйича бу ерда ойига иккитадан олтитагача авария бўлади. Улар орасида арзимагани ҳам, фожиалиси ҳам бор. Тошкент автомобиль шов-шувига мутлақо тайёр бўлмаган ҳоллар ҳам бўлди ва бунда йўл коммуникациялари бор-йўқлиги сабаб бўлмайди. Икки йиллар аввал интернетда авариялар ҳақида деярли ҳеч нарса ёзилмас эди, пачоқланган авто суратлари берилмас эди, ёқилғи қуйиш шохобчаларидаги ёнғинни биринчи бўлиб тарқатиш ҳам урф эмас эди. Ҳайдовчилик мавзусининг қизиқарли «медиаси» ижтимоий тармоқларнинг миллий феномени асосида юзага келди. Кўкларга кўтариб мақталган ўша АКТнинг кириб келиши билан бизнинг Узнет ҳам йўл ҳаракати тўғрисидаги турли хил хабарларни бера бошлади. Ажабланадиган жойи йўқ, одамларнинг ўзлари «воқеа жойидан» олинган фотосуратлар, видеоларни баҳам кўра бошлади, ОАВ «тўлқинни тутиб олди» ва буларнинг ҳаммаси ҳафтасига йўл ҳодисаларига тааллуқли икки-уч ахборот тўпламлари ижтимоий тармоқлар фойдаланувчилари томонидан узатилишига олиб келди.
Уларнинг ўзлари – Тошкент Ҳайдовчилари, улар ўзлари кунига йўл ҳаракати қоидаларини бузадиган ёки бузмайдиган касб эгалари. Айни иштирокчилар гуруҳ икки йил давомида қилган ишларнинг асосий драйвери, ташаббускори ва бевосита амалга оширувчиси.
Воқелик: «Водители Ташкента» — Тошкент ҳайдовчилари тўғрисидаги энг биринчи ва энг катта уюшма.
Парадокс: Ўзбекистонда расмий маълумотларга кўра, аҳолининг 1/10 қисми интернетдан фойдаланишига қарамай, уюшма Ўзбекистон сегментидаги йўналиши бўйича ўзининг фаоллиги ва динамикаси билан барчани лол қолдирмоқда. «Водители Ташкента» гуруҳи икки йилдан камроқ вақтда 200 иштирокчидан 36 мингтагача «ўсди».
Афсона №2: ВТ маъмурлари ва шу номдаги уюшма маъмурлари лойиҳадан катта моддий фойда кўради, шунингдек, бир-бирларига душманлик қилади.
Аввал бир киши, кейинроқ бутун жамоанинг ғайрат-шижоатига асосланган «Водители Ташкента» лойиҳаси интернетда жуда сермазмун ва воқеаларга бой икки йилни кечирди. Кўплаб ижтимоий ташаббуслар, фирма лого форматидаги ҳайдовчилар бирдамлиги, оффлайндаги учрашувлар ва асосийси, география жиҳатдан Тошкентдан анча олисларга тарқалган Ҳайдовчилар мулоқоти учун кенг майдон. Бу уюшма нима мақсадда ташкил этилган, унинг моҳияти нимада ва истиқболи қандай? Биз ғоя муаллифи, «Водители Ташкента» гуруҳининг бош маъмури Бобир Нурмуҳамедовдан сўрадик:
– Аввалига уюшмани қизиқишлар бўйича медиа майдонча сифатида тасаввур қилган эдик. Яъни ҳар бир ҳайдовчи кириши, муаммолари ҳақида ёзиши ва жавоб олиши кўзда тутилган эди. Умуман олганда бу ғоя ҳозир ишлаяпти бироқ иштирокчилар миқдори гуруҳни ривожлантириш истиқболларига ёндашувни ўзгартиради. Қизиқишлар бўйича аввалги суҳбатлар учун эндиликда гуруҳда фойдаланувчилар жуда кўплик қилади. Савол-жавоб амалиёти учун, лентада тез-тез қатор бир хил саволлар эълон қилинади ва бир хил жавоблар ҳам уч баравар кўпроқдир. Буни ёмон деб ўйламайман. Бироқ бу икки йил ичида Тошкент ҳайдовчилари сезиларли даражада ўзгарди.
Келажакка келганда. Режамизда гуруҳни ривожлантиришнинг икки йўналиши бор: тижорат ва ижтимоий. Гуруҳнинг айрим имкониятларини монетизация қилиш бундан бир йил аввал бошланди, хусусий магазинлар, сизга маълумки, бизнинг уюшмамиз аъзоларига муайян чегирма беради. Бу амалиёт, яна ҳайдовчилар бирдамлигига асосланган. Яъни автомобилчилар гуруҳгагина эмас, унинг асосий мақсади — мулоқот майдонига ҳам киради. Биз унга машиналар олди-сотдиси тўғрисидаги эълонлар жойлаштириш имкониятини яратамиз, ҳозир логотиплар бўйича янги лойиҳани йўлга қўйдик: компаниялар чегирма тизимини кенгайтиради, ўзлари гуруҳнинг рамзий логоси наклейкаларини чиқаради ва ўзлари уларни бепул тарқатади. Гуруҳ маъмурияти, ҳамкорлар тижорат фойдасига эга эмас: наклейкалар сотилмайди.
Бундан ташқари, гуруҳ логотипининг моҳияти ва мақсади ҳам ижтимоий аҳамият касб этади. Ҳайдовчилик маданияти, маълумки, ўз-ўзидан шаклланмайди. Логотип яратиш ғоясини ҳайдовчиларнинг ўзлари киритди ва ўзлари амалга оширди. Мақсад–йўллардаги вазиятни яхшилаш, бир-бирларига эса эътиборлироқ ва масъулиятлироқ бўлишдир. Иштирокчиларнинг айтишларича ва ёзишларича – наклейка масъулият юкламоқда. Ўйлайманки, машинанинг орқа ойнасига логотипни ёпиштириб олган ҳар бир ҳайдовчи йўл қоидаларини икки баравар кам бузаяпти.
Йўқ, биз бошқа гуруҳлар маъмурлари билан душман эмасмиз, мен ва менинг жамоам бунга бетараф муносабатда бўлади.
Афсона №3: гуруҳ қаерга кетяпти, фойдали ҳеч нарса қолмади, бари бефойда.
Айни биз сўз юритган жиҳатлардан мен гуруҳ учун катта истиқболни ва умуман йўллардаги вазиятнинг яхшиланишини кўряпман. Гуруҳ нима бўлганда ҳам ё ҳозирги кўламдагича ўсиши, ёки интернет-лойиҳа сифатида йўқ бўлиб кетиши мумкин эди. Ўйлайманки, бизнинг асосий вазифамиз – йўлларда сабрлироқ бўлишдир ва шунда биз тартиб-қоиданинг бир қисмига айланамиз. Гуруҳ бунга ёрдам беради ва олдинда бизни кўплаб қизиқарли лойиҳалар ва амалий натижалар кутяпти, деб умид қиламан. Ҳаммаси яхши бўлади!
Иштирокчилар шарҳларидан:
(Муаллиф орфографияси ва грамматикаси сақланиб қолинди)
СаиД М.: ВТдан кун хабарлари ва шаҳар янгиликарини оламан!! Бу борадаги ишлари учун маъмурларга раҳмат.
Marina B-a: Қоидаларга риоя қиладиган ҲАҚИҚИЙ ҳайдовчиларни кўришни истайман. Бу ерда уларни кузатаман (йўлларда эса омадим келмайди). + охирги ғийбатлар ва воқеалар — айбга буюрмайсиз.
ОДИЛ Умаров: Гуруҳга янги автохабарлардан воқиф бўлиш учун кираман. Йўлларимиз, улардаги тиқилинчлар, янги белгилар, автомобилларнинг янги моделлари ҳақида билиш қизиқ. Тан олиш керакки, гуруҳ иштирокчиси бўлгач, машинани анча тартибли ҳайдайдиган ва йўл қоидаларига қатъий риоя қиладиган бўлиб қолдим. Қисқаси мен учун ВТ — қизиқарли ва фойдали гуруҳ.
Баҳодир Аминджанов: Яхшироқ юрадиган бўлиб қолдик. Қатор постлардан кейин «огоҳлантириш» тўғрисидаги сигналдан (консолдаги қизил тугмани, тўғриси, қандай аталишини эслай олмайман) — фойдаланишларини сеза бошладим. Бундан ташқари, бурилишлар ҳақида бурилиш чироқлари орқали огоҳлантира бошлашди.
Nozimahon Tulyaganova: ВТ гуруҳи шахсан мен ва машинам учун — фойдали маълумотларнинг катта оқими. Эслаб қолиш лозим бўлган бир талай нюанслар, ўзим учун қайдлар, телефон китобчасига ёзиб қўйишлар ва ҳоказо. Энди йўл ҳаракати қоидасини бузиш мен учун жуда уят бўлиб қолгани ҳақида умуман индамай қўя қоламан!!! Фахрийларга, болаларга ёрдам акциялари эса шундай адреналинки, улардан кейин бу хўжаликка қалбингнинг кичик бир қисмини бергандек руҳланасан. Гуруҳ аъзолари жуда яхши, гўзал, улкан истеъдодга эга инсонлар, улар билан ёнма-ён ўтириб мулоқотда бўлиш имконияти жуда кам эканидан афсусланасан.
Муаллиф: Мадина Рўзматова
Изоҳ (0)