Россиянинг Тюмень шаҳрида кўп қаватли уйнинг тўртинчи қаватидан тушиб кетган олти ёшли қизчани ўткинчи эркак тутиб олди. Бу ҳақда «Интерфакс» хабар бермоқда.
Маълум бўлишича, 9 сентябрь куни ўз уйида меҳмон бўлиб турган неварасини ёлғиз қолдириб, дўконга чиқиб кетган. Қизча уйғониб, уйда бир ўзи қолганини билгач, ошхона деразасини очиб, бувисини чақиришни бошлаган.
«Бироқ беўхшов ҳаракати сабаб, тўртинчи қават деразасидан пастга тушиб кетган. Қизчага ва уни қутқариб қолган эркакка тан жароҳати етмаган. Қизча тез ёрдам машинасида касалхонага етказилган», — дейилади маҳаллий полиция ахборотида.
Қайд этишларича, ҳозирги вақтда қизчанинг бувисига нисбатан текширув ишлари бошланган.
Изоҳ (0)