2015 йилнинг июнь ойида Хитойнинг ZTE компанияси Vimpelcom (Beeline савдо белгиси) компаниясининг иккита тендерида ғалаба қозонди. Улардан бири — бешта мамлакат (Ўзбекистон, Тожикистон, Арманистон, Қирғизистон ва Лаос)да базавий станцияларни ташкил этиш борасида, иккинчиси эса тўртта мамлакат (Ўзбекистон, Тожикистон, Қирғизистон ва Лаос)да RAN ўрнатишга қаратилган.
ZTE’нинг Ўзбекистондаги ваколатхонаси 2015 йилнинг август ойида Vimpelcom’нинг Ўзбекистондаги шўъба корхонаси ҳисобланган Unitel МЧЖ мутахассислари, менежер ва раҳбарлари учун «4G билан ҳаётни енгиллаштиринг» мавзусида семинар ташкил этди.
Телекоммуникацион асбоб-ускуналар ва тармоқлар учун ечимлар бўйича глобал етакчи ҳисоблаган ZTE компанияси Unitel билан ҳамкорликдан мамнун ва келгусида ҳам шерикчиликни давом эттиришга умид қилади.
Семинар сўнггида ZTE компанияси ўз маҳсулотларини, шу жумладан, RAN ечимлари, базавий станциялар, маълумотларни етказиш, мураккаб хизматларни бошқариш учун мўлжалланган ва бошқа асбоб-ускуналарни тақдим этди. Хитой компаниясининг мутахассис ва менежерлари ZTE ечимлари ва асбоб-ускуналарининг афзалликлари ҳақидаги маълумотлар билан ўртоқлашди.
Семинар доирасида ZTE раҳбарияти Unitel компанияси топ-менежерлари билан музокаралар ўтказди ва томонлар келажакда ҳам ҳамкорлик қилишга келишиб олди.
ZTE — телекоммуникацион асбоб-ускуналар ва мобил телефонларни етказиб берувчи дунёдаги етакчи компания ҳисобланади. ZTE маҳсулотлари турлари симли ва симсиз алоқа, мобил ва фиксацияланган терминаллар бозорининг ҳар бир секторини қамраб олади.
ZTE корпорацияси 1985 йили Хитойнинг Шэньчжэнь (Shenzhen) шаҳрида ташкил этилган, унинг бош қароргоҳи ҳозиргача айнан шу шаҳарда жойлашган. 1997 йили компания Шэньчжэнь фонд биржаси листингига киритилди, 2004 йилнинг декабрида эса Гонгконг фонд биржасида рўйхатдан ўтди. Шунингдек, ZTE Hang Seng China Enterprises Index индекси таркибига киритилган.
Бугунги кунда жаҳоннинг кўплаб мамлакатларида ZTE ваколатхоналари ва тадқиқот марказлари жойлашган бўлиб, уларда 10 минглаб инсонлар меҳнат қилади. Компания 140 та мамлакат ва минтақага асбоб-ускуналар ва хизматларни етказиб беради ва Осиё-Тинч океани, Жанубий Осиё, Шимолий Америка, Европа, Лотин Америкаси, Африка ва МДҲдаги 500 дан ортиқ алоқа операторларига хизмат кўрсатади.
Ҳозирда ZTE компанияси иқтисодиётнинг турли тармоқлари учун 50 дан ортиқ ечимларни таклиф этади. Хитой компанияси, шунингдек, истеъмолчилар учун турли туман маҳсулотлар — телефонлардан тортиб смартфон ва планшетларгача таклиф этади. Бу маҳсулотлар Ўзбекистон бозорида ҳам мақбул нархларда таклиф этилмоқда. ZTE смартфонларининг асосий платформаси — Android операцион тизимидир.
ZTE шўъба корхонаси Ўзбекистон Республикасида 10 йилдан ортиқ вақт мобайнида ўз фаолиятини юритиб келмоқда. Бу давр мобайнида компания Ўзбекистонда телекоммуникация соҳаси ривожига улкан ҳисса қўшиб, илғор коммуникация технологияларидан фойдаланиш имкониятини, маҳаллий аҳоли учун иш жойларини тақдим этиб, инсонларнинг коммуникация технологиялари ҳақидаги билимларини яхшилаб келмоқда.
Айни вақтда Ўзбекистон телекоммуникацион операторлари – Beeline, Ucell, «Ўзбектелеком» АК ва бошқалар Хитой компанияси асбоб-ускуналаридан фойдаланмоқда. 2013 йилнинг июлида ZTE Сирдарё вилоятида мобил телефонлар ва аксессуарларни ишлаб чиқариш бўйича корхонани ишга туширди. Мобил телефонлар UZTE бренди остида ишлаб чиқарилмоқда. Ҳозирда корхона смартфонларнинг 6 та моделини ишлаб чиқармоқда.
ZTE янги технологиялар ва стандартларни ишлаб чиқиш устида изланишларини давом эттирмоқда. Масалан, компания бешинчи авлод технологияси (5G) устида ишламоқда. ZTE 2015 йилда 5G соҳасидаги тадқиқотлар ва ишланмаларга харажатларни икки баробарга ошириш ниятида ва бу мақсадларга 2014 йилдаги 200 миллионга нисбатан жорий йилда 400 миллион АҚШ долларини сарфлаш ниятида. Бундан ташқари, ZTE бешинчи авлод мобил алоқа билан шуғулланаётган инженерлар штатини икки баробар кўпайтиради.
Реклама ҳуқуқи асосида.
Изоҳ (0)