Венесуэлада йўловчи автобусининг ағдарилиб кетиши оқибатида 5 киши ҳалок бўлди

Венесуэланинг Карабобо штатида йўловчи автобусининг йўл-транспорт ҳодисасига учраши натижасида беш киши ҳалок бўлди. Яна 29 киши шикастланиш олди, деб хабар беради «ТАСС».

Жабрланганлардан тўрт нафари болалар бўлиб, уларнинг барчаси касалхонага жойлаштирилган. Дастлабки маълумотларга қараганда, транспорт воситасининг механик носозлиги фожианинг сабаби бўлиши мумкин.

Ҳуқуқни муҳофаза қилувчи орган ходимлари автоҳалокат вазиятларини ўрганишга киришди. Воқеа жойида криминалист-экспертлар ва йўл полицияси ходимлари ишламоқда.