Мирзо Улуғбек туманидаги йўл-қурилиш ишлари йирик провайдер абонентларини интернетсиз қолдирди

19 август, чоршанба куни соат 7:46 дан 15:02 га қадар Тошкентнинг энг йирик интернет-провайдерларидан бири — Sarkor Telecom фойдаланувчиларининг бир қисми интернетсиз қолди. Бу ҳақда «Газета.uz» хабар бермоқда.

Компания сайтида берилган ахборотга кўра, бунга Тошкент шаҳрининг Мирзо Улуғбек туманида олиб борилаётган йўл-қурилиш ишлари вақтида магистраль кабелнинг узиб юборилгани сабаб бўлган.

Яланғоч даҳаси, Қорасув 2- ва 4- мавзелари, Мавлони Риёзий, Паркент даҳалари, Темур Малик кўчаси ва бошқа жойларда истиқомат қилувчи 262-, 265-, 267- ва 269-АТСларнинг ADSL абонентлари ва Home Ethernet абонентларида интернет ишламаган.

Авариявий-қайта тиклаш ишлари давомида Sarkor Telecom мутахассислари интернет алоқасини бир маромда ишлашини таъминлашга муваффақ бўлди.