Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш Жамоат фонди томонидан эълон қилинган «Кексалар ўгити—ёшлар тарбиясининг мустаҳкам асосидир» номли танловда иштирок этган «Наманган ёшлар маркази» ғолиб бўлди ҳамда 14 миллион Давлат гранти билан молиялаштирилди.
Лойиҳа қуйидаги мақсадларни кўзлаган, Ўзбекистон Республикаси Президентининг 2015 йил 18 февралдаги ПҚ-2302-сонли «Кексаларни эъзозлаш йили» Давлат дастури ҳамда «Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлар тўғрисидаги» қарорлари ижросини таъминлаш.
Шу билан биргаликда, лойиҳа доирасида ўзининг ҳалол меҳнати билан ҳурмат, эътибор қозонган кексалар истиқомат қилаётган маҳаллаларда уларнинг ҳаёт йўлларида кечирганларини ёшларга ибрат ва намуна қилиб кўрсатиш мақсадида интерфаол семинар-тренинглар, давра суҳбатлари, учрашув ҳамда мулоқотлар, уюшмаган ёшларнинг ижтимоий фаоллигини ошириш, кексаларга ҳурмат руҳида тарбиялаш, улар орасидаги иқтидорли ёшларни излаб топиш орқали ёшларни келажакда жамиятда ўз ўринларини топишларига кўмаклашиш мақсадида жойларда кўнгилочар маданий дастурлар, ёлғиз кексалар ҳолидан хабар олиш ҳамда уй юмушларига кўмаклашиш мақсадида ёшлардан иборат тарғибот гуруҳлари шакллантириш, ибратли кексалар иштирокида ток шоу тасвирга олиш режалаштирилган.
Лойиҳа давомида амалга ошириладиган барча тадбирларда фойдаланиш учун мавзуга оид видеороликлар, слайдлар, тарқатма материаллар, буклетлар ҳамда ўқув қўлланмалари тайёрланади.
Айни кунларда янги лойиҳа устида Марказнинг бир гуруҳ ходимларидан иборат ишчи гуруҳ томонидан иш бошлаб юборилган бўлиб, ушбу лойиҳани ҳам аввалгилари каби намунали бажариш кўзланган.
Изоҳ (0)