«Ўзбеккино» Миллий агентлиги ҳудудий бўлимлари томонидан оромгоҳларда дам олаётган болаларнинг мазмунли маданий ҳордиқ чиқаришлари учун миллий фильмлар намойишлари, таниқли киноижодкорлар билан учрашувлар ташкил этиш бўйича ишлар давом этмоқда. Бу ҳақда «Ўзбеккино» Миллий агентлиги матбуот хизмати хабар бермоқда.
Жумладан, Агентликнинг Тошкент вилояти бўлими томонидан 10 август, душанба куни Ўзбекистон Республикаси Мудофаа вазирлигига қарашли «Тонг» болаларни соғломлаштириш оромгоҳи раҳбарияти билан ҳамкорликда Ўзбекистон Мустақиллигининг 24 йиллигига бағишланган маданий тадбир бўлиб ўтди.
Ўзбекистонда хизмат кўрсатган артист Алишер Отабоев билан бўлиб ўтган ижодий учрашувда оромгоҳда ҳордиқ чиқараётган 120 дан ортиқ болалар қатнашди. Унда санъаткор ўз ижодий фаолияти, суратга олиш жараёнларида юз берган қизиқарли ҳодисалар ҳақида сўзлаб берди, болаларни қизиқтирган саволларга жавоб қайтарди.
Изоҳ (0)