Google ўзининг Google Auto LLC автомобиль компаниясини таъсис этди. Компания асосан автопилотли машиналар яратиш билан шуғулланади. Бу ҳақда The Guardian нашрига таяниб, «Lookatme.ru» хабар бермоқда.
Аслида корхона 2011 йили иш бошлаган, ўшанда унинг ёрдамида ҳайдовчисиз бошқариш тизими ўрнатилган Lexus йўлтанламас машиналари синовдан ўтказилган эди. Айни пайтда компания автопилот тизимида ишлайдиган барча (жами 23 та) Lexus автомобиллари эгаси ҳисобланади. Энди корхона йўловчи транспорти ишлаб чиқарувчи тариқасида рўйхатдан ўтди: Google Auto ўтган йили автомобиллар ишлаб чиқариш учун лицензия олган эди.
Манбаларда таъкидланишича, Google яратаётган автомобиллар соатига 40 километр тезликка эга, 20–30 кВтли электр двигателида ишлайди ва литий-ионли аккумулятор билан жиҳозланган.
Изоҳ (0)