Футбол бўйича Аргентина чемпионати доирасидаги «Расинг» ва «Бельграно» жамоалари ўртасидаги ўйинда қизиқ ҳолат юз берди. Бу ҳақда «Корреспондент.net» хабар бермоқда.
Меҳмонлар дарвозабони Хуан Карлос Олаве бутун ўйин давомида рақиб жамоа ишқибозлари томонидан ҳақорат қилинди, бир вақт стадиондаги томошабинлардан бири унга қарата чизбургер улоқтирди.
Дарвозабон бунга кутилмаган йўл билан жавоб берди — у чизбургерни қўлга олиб, ўзини худди татиб кўргандек қилиб кўрсатди ва шундан сўнг уни майдон ташқарисига қўйиб қўйди.
Қўшимчасига, дарвозабон уни таом билан сийлашга уринганликлари учун мезбонларнинг ишқибозларига миннатдорчилик ҳам билдирди.
Эслатиб ўтамиз, 2014 йили «Барселона» ҳимоячиси Дани Алвес ўзига қарата майдонга отилган бананни олиб, еб қўйганди.
https://youtu.be/cBjOG9E-NCA
Изоҳ (0)