Жўрабек Каримов Остонадаги «Челленжер» турнирида вице-чемпионга айланди

Қозоғистоннинг Остона шаҳрида теннис бўйича «Челленжер» туркумига кирувчи, соврин жамғармаси 75 минг АҚШ долларидан иборат бўлган турнирнинг жуфтликлар баҳсида ўзбекистонлик Жўрабек Каримов финалда кортга тушди, деб хабар беради «Olamsport.com».

1 август куни ўтказилган ҳал қилувчи баҳсда кореялик Юн Сеонг Чанг билан тандем ҳосил қилган Жўрабек Каримов россиялик Константин Кравчук ва молдовалик Денис Молчанов жуфтлигига икки сетда ҳам бир хил 2:6 ҳисобида имкониятни бой берди. Шу тариқа, Каримов Остона «Челленжер»и вице-чемпионига айланди.

Эслатиб ўтамиз, Санжар Файзиев ва Темур Исмоилов ушбу турнирнинг яккалик баҳслари иккинчи даврасида, Жўрабек Каримов эса илк босқичда мағлубиятга учраган эди.