Жорий йилнинг 5 апрель куни Нью-Ёркда Way II инвестиция компаниясининг тақдимот конференцияси бўлиб ўтди. Унда, АҚШда яшаб, бизнес билан шуғулланаётган юз нафардан ортиқ ўзбек тадбиркорлари ва ишбилармонлари иштирок этди.
-y5mnTUQy.avif)
Ушбу Roadshowда Way II ва Akfa Group асосчиси Жаҳонгир Ортиқхўжаев ҳам иштирок этиб, йирик бизнес лойиҳаларини ривожлантириш йўлида ўзбекистонликларнинг кучини бирлаштириш муҳимлигини таъкидлади. Бундай лойиҳалар Ўзбекистонни халқаро бизнес майдонида муносиб тарзда намоён эта олишини алоҳида эътироф этди.
Қолаверса, Way II вакиллари инвесторларни янги инвестиция йўналишлари ва капитални ошириш имкониятлари билан таништирди. Хусусан, Wай Инвест мобил иловаси орқали Visa ва МастерCард каби халқаро тўлов тизимларидан фойдаланган ҳолда сармоя киритиш усуллари тушунтирилди.
Тадбир давомида иштирокчиларга ислом молияси тамойилларига мос инвестиция пакетлари тақдим қилинди. Шунингдек, дивиденд сиёсати ва активлар билан иккиламчи бозорда савдо қилиш имконияти ҳақида ҳам маълумотлар берилди. Ушбу Roadshowда инвестиция жараёнининг соддалиги ва шаффофлиги, шунингдек, активларни бошқаришнинг юқори стандартлари иштирокчиларнинг эътиборини тортди. Конференция иштирокчиларидан бири Аббос Бахтиёров ўз таассуротлари билан бўлишиб, шундай деди:
“Мен Ўзбекистонда Way II каби компанияларнинг пайдо бўлганини эшитиб жуда хурсанд бўлдим. Сабаби, жуда қизиқарли инвестиция таклифлари мавжуд. АҚШда бу тизим аллақачон одатий ҳолга айланган, аммо энди бизда ҳам Ватанимиздаги ишончли ва синовдан ўтган бизнесларга сармоя киритиш имконияти бор. Айниқса, гап Жаҳонгир Ортиқхўжаев каби бизнес етакчилари ҳақида кетса, бу имконият янада мустаҳкамланади. Ўйлайманки, биз каби кўплаб тадбиркорлар йирик компаниялар акциядори бўлишни орзу қилган ва энди бу орзу ҳақиқатга айланади”.
Маълумот учун, Way II – 2024 йилда ўз фаолиятини бошлаган инвестиция платформаси бўлиб, қисқа вақт ичида жадал ўсишга эришди. Бугунги кунда компаниянинг капиталлашуви юзлаб миллиард сўмни ташкил қилади. Way II инвесторларга Ўзбекистоннинг йирик компанияларидан бири – Akfa Aluminium Group таркибига кирувчи бизнесларга ҳамкорлик асосида сармоя киритиш имконини тақдим этади. Компаниянинг асосий мақсади – аҳолининг инвестиция саводхонлигини ошириш, барқарор даромад манбаларини яратиш ва инвестиция воситаларига бўлган ишончни мустаҳкамлаш.
Конференция давомида Way Chat номли янги мулоқот платформасининг ишга туширилгани ҳам эълон қилинди. Ушбу платформа инвесторлар ва ҳамкорлар билан самарали ва қулай алоқани йўлга қўйишга хизмат қилади.
Нью-Ёркда истиқомат қиладиган ўзбек тадбиркорлари билан ўтказилган ушбу учрашув Way II тадбирлар сериясининг бир қисми бўлиб, компания вакиллари 15-16 апрель кунлари Чикагодаги Central Asian Business Expo халқаро кўргазмасида ҳам иштирок этади. Бу тадбир инвесторлар учун Way II лойиҳалари билан яқиндан танишиш ва янги инвестиция имкониятларини кашф этиш имконини тақдим этади.
Шу тариқа, Way II тадбири нафақат инвестиция имкониятларини тақдим этиш, балки профессионал алоқаларни ўрнатиш ва ҳамкорлик истиқболларини муҳокама қилиш учун ҳам самарали майдонга айланди. Иштирокчилар компания инвестиция маҳсулотларига катта қизиқиш билдиришди ва уларни амалга оширишда иштирок этишга тайёр эканликларини айтиб ўтишди.
Манзил: Яшнобод тумани, Махтумқули кўчаси, 2/1
Телефон: +998 (78) 555-55-55
Сайт: waygroup.uz
Facebook: @Way ll Group
Instagram: @way_ll_group
Telegram: @wayllgroup
Twitter: @way_ll_group
LinkedIn: @wayllgroup
YouTube: @Way_ll_Group
Реклама ҳуқуқи асосида.
Изоҳ (0)