Ўзбекистон Давлат солиқ қўмитаси раиси Ботир Парпиев Ҳиндистоннинг Ўзбекистондаги элчиси Винод Кумар билан учрашди. Бу ҳақда UzDaily хабар бермоқда.
Учрашувда томонлар Ўзбекистон ва Ҳиндистон ўртасидаги икки томонлама ҳамкорликнинг бугунги ҳолати ва истиқболларини муҳокама қилди.
Суҳбат давомида Ҳиндистон юқори технологик компанияларини бундан кейин ҳам қўшма лойиҳаларни амалга оширишга жалб этишдан Ўзбекистон томони манфаатдор эканлиги қайд этилди.
Айни вақтда, Ҳиндистон томони ITEC (Ҳиндистон техник ва иқтисодий ҳамкорлик дастури) доирасида Ўзбекистон солиқ хизмати ходимлари учун ўқув дастурларини ташкил этишни таклиф этди.
Изоҳ (0)