Бугун,

  • USD 11014.01
  • RUB 191.8
  • EUR 10674.78

Ядровий келишувнинг амалга оширилиши ва санкцияларнинг бекор қилиниши Эроннинг минтақадаги нуфузини оширади, бироқ Эронга қўшни мамлакатларга зарар етказмайди. Бу ҳақда, «ТАСС» хабарига кўра, Эрон президенти Ҳасан Руҳоний маълум қилган.

Фото: «ТАСС»

Фото: «ТАСС»

«Агар Эрон кучли бўлса, бошқа мамлакатларнинг ички ишларига аралашади, деб ўйлаш хато. Бошқа мамлакатларнинг ички ишларига аралашиш номақбул иш ва ҳар бир халқ ўз тақдирини ўзи белгилаши кераклигига ишончимиз комил. Бироқ, биз жафокашларни ҳимоя қиламиз ҳамда минтақа ва халқаро миқёсда бутун кучимизни сафарбар қилган ҳолда террорчилик таҳдидига қарши курашамиз», — деди Руҳоний.

Эрон президентининг қайд этишича, Биргаликдаги ҳаракатлар режасига халқаро қонун мақомини берган «кўлами жиҳатидан қиёси йўқ резолюция»нинг қабул қилиниши билан Эрон халқининг тинчлик йўлида ядровий тадқиқотлар олиб бориш ҳуқуқи тугал тан олинди ва «адолатсиз санкциялар тартиби вайрон бўлди».

Эрон раҳбарининг қайд этишича, ядровий келишув қайсидир бир учинчи давлатга қарши қаратилган эмас. «Баъзилар ядровий келишув Эрон атом бомбасини қўлга киритиши мумкин бўлган муддатни бир йилгача узайтирди, деб ҳисобламоқда. Бундай гапларни эшитиш кулгули, чунки Эрон ҳеч қачон оммавий қирғин қуролига эга бўлмаган, чунки бундай қуролнинг Эронда бўлиши Ислом инқилоби маънавий етакчиси томонидан чиқарилган фатвога зиддир», — деди Руҳоний.

«20 июль куни БМТ Хавфсизлик кенгаши ядровий келишув бўйича махсус резолюция қабул қилиш билан, халқаро ҳамжамият «Эрон Ислом Республикасининг тинчлик йўлидаги ядровий тадқиқотларини ортиқ глобал» таҳдид деб ҳисобламаслигини тан олди. Бу катта ғалаба!», — деди Эрон президенти.

Изоҳ
Асосий янгиликлар