Италиялик фермерлар ҳайвонларни иссиқдан сақлаш мақсадида молхона ва чўчқахоналарга душ ва кондиционерлар ўрнатмоқда, деб хабар беради Reuters.
Кўплаб фермер хўжаликлари жойлашган Италиянинг шимолидаги Падан текислигида шу йилнинг июль ойида ҳаво ҳарорати 40 даражага етди. Бу охирги ўн йилдаги рекорд кўрсаткичдир.
Фермерларнинг таъкидлашича, об-ҳаво шароитининг ёмонлашуви «Харон» антициклонининг келиши билан боғлиқ. Чўчқалар 28 даражадан юқори ҳароратда иштаҳасини йўқотади, шу сабабдан улар ейдиган ем миқдори 40 фоизга камайди. Бундан ташқари, сигирлар июль ойида одатдагидан 50 миллион литр кам сут берди, товуқларнинг тухум қўйиши 5—10 фоизга камайди.
Изоҳ (0)