11 июль, шанба куни Хитой шарқий соҳилларига ёпирилган «Чан-хом» тўфони келтирган тўғридан-тўғри иқтисодий зарар 1,9 миллиард юан (318 миллион доллар)га баҳоланмоқда, дея хабар берди «ТАСС».
Асосий зарба Чжэцзян провинциясидаги Чжоушань шаҳар округига тўғри келди. У ерда шамол тезлиги сониясига 45 метрга етган.
94 та уй тўлиқ ёки қисман вайрон бўлган, 200 мингдан ошиқ уйлар чироқсиз қолган. Чжэцзян қирғоқларидан 1 миллиондан зиёд киши эвакуация қилинган. Провинция қирғоқлари яқинида денгизда турган қарийб 30 мингта кема портларга қайтиб келиш ҳақида буйруқ олган.
Провинциядаги аэропортлар ёпилди, 600 дан ортиқ авиарейс бекор қилинди. Денгизда йўловчиларни ташиш, шунингдек қатор поездлар ва узоққа қатновчи автобуслар ҳаракати тўхтатилди.
Изоҳ (0)