Америкалик репер Канье Уэст Британиядаги «Гластонбери» мусиқа фестивалидаги чиқиши вақтида ўзини замонанинг энг буюк рок-юлдузи деб атади. Бу ҳақда NME хабар бермоқда.
Мусиқачи икки соатга яқин вақт давомида саҳнада бўлиб, ўзининг эски ва янги қўшиқлари иштирокидаги таронани куйлади, шунингдек, Жастин Вернон (Американинг Bon Iver индии-фолк гуруҳи солисти) билан бирга бир неча қўшиқни айтди. Ўз чиқишининг якунида репер Queen гуруҳининг Bohemian Rhapsody композициясини куйлаб берди.
Маълумот учун, Уэст 2000 йилларнинг бошидан бери куйлаб келади. У ҳозирги қадар 21та «Гремми» ҳайкалчасини қўлга киритган, унинг дисклари 21 миллион нусхада сотилган, интернетда эса 66 миллион марта юклаб олинган.
«Гластонбери» фестивали эса 1970 йилдан бери ўтказиб келинади ва Британиядаги энг асосий, жаҳондаги энг йирик мусиқа тадбирларидан бири ҳисобланади. Унда турли йилларда Kasabian, The Rolling Stones, Radiohead, Coldplay, Oasis, Gorillaz, U2 ва Moby каби гуруҳлар ва ижрочилар бошловчилик қилган.
Изоҳ (0)