Ўзбекистон Президенти Ислом Каримов 12 июнь куни «Олий таълим муассасаларининг раҳбар ва педагог кадрларини қайта тайёрлаш ва малакасини ошириш тизимини янада такомиллаштириш чора-тадбирлари тўғрисида»ги фармонини имзолади, деб хабар бермоқда «Review.uz».
Унга биноан, ОТМлар раҳбар ва педагоглари камида уч йилда бир марта Тошкент олийгоҳларида қайта тайёрланиши белгиланиб, бунинг учун 15 та таянч олий ўқув юрти танлаб олинди.
Тошкент давлат техника университети, Тошкент ахборот технологиялари университети, Ўзбекистон Миллий университети, Тошкент давлат аграр университети, Тошкент кимё технологиялари институти, Тошкент давлат педагогика университети, Ўзбекистон давлат жаҳон тиллари университети, Тошкент тўқимачилик ва енгил саноат институти, Тошкент давлат иқтисодиёт университети, Тошкент архитектура ва қурилиш институти, Тошкент тиббиёт академияси, Ўзбекистон давлат жисмоний тарбия институти, Ўзбекистон давлат маданият ва санъат институти, Тошкент ирригация ва мелиорация институти ва Тошкент давлат юридик унверситети таянч олийгоҳлари сифатида танланган.
Қайта тайёрлаш курслари қонунчилик, ўз фани соҳасида назарий ва амалий ютуқлар, замонавий педагогика ва ахборот-коммуникация технологиялари ҳамда хорижий тиллар бўйича олиб борилади. Курсларни муваффақиятли тамомлаганлар тегишли шаҳодатнома ва лавозимлар учун ўтказиладиган танловларда имтиёзларга эга бўлади. Қайта тайёрлаш курслари 288 соат (2 ой) давом этиши белгиланган.
Изоҳ (0)