Туркия президенти Ражаб Тойиб Эрдўған эски президент саройи сувараклар билан тўла бўлгани сабаб, янги сарой қурдиришга қарор қилган. Бу ҳақда Echo.msk.ru хабар бермоқда.
Эрдўғаннинг сўзларига кўра, эски саройга келган меҳмон ҳожатхонага кириб, «югуриб юрган суваракларга кўзи тушиши мумкин эди». «Шу сабабли биз янги сарой қурдирдик», - деди президент.
Эрдўғаннинг қўшимча қилишича, қиймати 615 миллион долларга тенг ва мингта хонаси бор бу сарой турк миллатининг рамзи бўлиб, унинг қурилиши учун сарфланган маблағни «ортиқча бўлди», деб бўлмайди.
Аввалроқ Эрдўғанни ўзи учун ҳаддан ташқари ҳашаматли сарой қурдиргани учун танқид қилишганди.
Изоҳ (0)