Совуқ ҳаво жазирамага нисбатан 17 маротаба кўп одамни ўлдиради

Америкалик олимларнинг аниқлашларича, фавқулодда жазирамалардан кўра қаҳратон кунларда кўпроқ одам ҳалок бўлади. Бу ҳақда ТАСС хабар бермоқда.

Тадқиқотчилар жаҳоннинг 13 мамлакатидаги 384 шаҳарда 1985-2012 йиллар оралиғида қайд этилган 74 миллионга яқин ўлим ҳолатларини ўрганиб чиқиб, уларнинг 7,3 фоизи совуқ ҳаво билан, атиги 0,4 фоизи эса жазирама билан боғлиқлигини аниқлашди.

Олимлар яна бир кутилмаган хулосага келишди: кутилмаган об-ҳаво шароитлари иқлим билан боғлиқ ўлим ҳолатларининг фақат 11 фоизига дахлдордир. «Организмни қуёш ёки совуқ уруши натижасида ҳалок бўлганлар сони кўпчиликни ташкил этмайди», - деб ёзади тадқиқотчилар.

Тадқиқот якунларига кўра совуқ ҳавонинг хавфлилик даражаси ошиб кетганига олимлар Африка ва Яқин Шарқ мамлакатларидаги шаҳарларни кўриб чиқмаганликлари ҳам қисман таъсир қилган бўлиши мумкин.