Тошкентда истеъмолчилар учун товар ва хизматларни реал вақт режимида қидириш имконини берувчи хизмат ишга туширилди. Spot номини олган сервис кўплаб харидорлар керакли маҳсулотни излаб бозор ва дўконларда ўтказадиган вақтнинг тежалишига ёрдам беради.
Товар ва хизматларни излаш харидорни сотувчи билан боғловчи Spot бепул мобил дастури воситасида амалга оширилади. Фойдаланувчи изланаётган маҳсулотнинг тоифаси, тўлов ва етказиб бериш усулини танлаб сўров юборади, фотосурат ҳам юклаш мумкин. Сўровни олган сотувчилар 20 дақиқа ичида ўз таклифларини ва алоқа қилиш учун маълумотларни жўнатади.
Дўконлар ва дистрибьюторлар учун эса Spot мижозларни жалб қилишнинг янги усулидир. Сотувчи мақомини олиш учун Spot мобил дастурини ўрнатиб, рўйхатдан ўтиш лозим. Бу фойдаланувчиларнинг сўровларини кўриш имконини беради ва харидлар кўпайишига ёрдам беради. Дастур ҳар сафар тегишли тоифадаги маҳсулот бўйича сўров тушганда сотувчига билдиришнома юборади ва сотувчи уларга ўз манзили ва телефон рақамини жўнатиши мумкин бўлади.
Spot бепул мобил иловаси ўзбек ва рус тилларида Android ва iOS операцион тизимлари учун чиқарилган. Дастурни хизматнинг расмий сайтида берилган ҳаволалар орқали ўрнатиш мумкин.
Ушбу хабар ёзилаётган вақтда 800 дан ортиқ янги фойдаланувчи рўйхатдан ўтган бўлиб, улардан 91 нафари сотувчилардир. Сервис орқали 1800 дан ортиқ сўровлар келиб тушган. Энг кўп сўровлар «Телефон ва смартфонлар», «Аксессуарлар» (телефон) ва «Таъмирлаш» (телефон) бўлимларида, энг катта самарадорлик 11:00 дан 18:00 гача бўлган вақт оралиғида кузатилган.
Реклама ҳуқуқи асосида