Toshkentda iste’molchilar uchun tovar va xizmatlarni real vaqt rejimida qidirish imkonini beruvchi xizmat ishga tushirildi. Spot nomini olgan servis ko‘plab xaridorlar kerakli mahsulotni izlab bozor va do‘konlarda o‘tkazadigan vaqtning tejalishiga yordam beradi.
Tovar va xizmatlarni izlash xaridorni sotuvchi bilan bog‘lovchi Spot bepul mobil dasturi vositasida amalga oshiriladi. Foydalanuvchi izlanayotgan mahsulotning toifasi, to‘lov va yetkazib berish usulini tanlab so‘rov yuboradi, fotosurat ham yuklash mumkin. So‘rovni olgan sotuvchilar 20 daqiqa ichida o‘z takliflarini va aloqa qilish uchun ma’lumotlarni jo‘natadi.
Do‘konlar va distribyutorlar uchun esa Spot mijozlarni jalb qilishning yangi usulidir. Sotuvchi maqomini olish uchun Spot mobil dasturini o‘rnatib, ro‘yxatdan o‘tish lozim. Bu foydalanuvchilarning so‘rovlarini ko‘rish imkonini beradi va xaridlar ko‘payishiga yordam beradi. Dastur har safar tegishli toifadagi mahsulot bo‘yicha so‘rov tushganda sotuvchiga bildirishnoma yuboradi va sotuvchi ularga o‘z manzili va telefon raqamini jo‘natishi mumkin bo‘ladi.
Spot bepul mobil ilovasi o‘zbek va rus tillarida Android va iOS operatsion tizimlari uchun chiqarilgan. Dasturni xizmatning rasmiy saytida berilgan havolalar orqali o‘rnatish mumkin.
Ushbu xabar yozilayotgan vaqtda 800 dan ortiq yangi foydalanuvchi ro‘yxatdan o‘tgan bo‘lib, ulardan 91 nafari sotuvchilardir. Servis orqali 1800 dan ortiq so‘rovlar kelib tushgan. Eng ko‘p so‘rovlar “Telefon va smartfonlar”, “Aksessuarlar” (telefon) va “Ta’mirlash” (telefon) bo‘limlarida, eng katta samaradorlik 11:00 dan 18:00 gacha bo‘lgan vaqt oralig‘ida kuzatilgan.
Reklama huquqi asosida