Актёр Ал Пачино 75 ёшга тўлди

«Чўқинтирган ота» фильмидаги иштироки билан бутун дунёга танилган америкалик машҳур актёр 25 апрель куни 75 ёшга тўлди. Бу ҳақда ТАСС хабар бермоқда.

Алфредо Жеймс (Ал Пачино) 1940 йил 25 апрелида АҚШнинг Нью-Йорк шаҳрида, келиб чиқиши италиялик бўлган америкаликлар – Салваторе ва Роза Пачинолар оиласида туғилган.

Кинодаги илк катта роли режиссёр Жерри Шацбергнинг «Нидл-Паркдаги ваҳима» картинасида банги Бобби қаҳрамони эди. Шундан сўнг Пачино режиссёр Френсис Ford Коппола эътиборига тушди.

Коппола уни «Чўқинтирган ота» фильмидаги Майкл Карлеоне ролига таклиф қилди, актёр айнан шу роли сабаб илк бор «Оскар» мукофотига даъвогарлик қилди.

Ал Пачино еттиничи уринишдан сўнг, Мартин Брестнинг «Аёл таровати» фильмидаги роли учун «Энг яхши актёр»га аталган «Оскар» ҳайкалчаси эгасига айланди.

Бундан ташқари, Ал Пачино тўртта «Олтин глобус», Британия кино- ва телесанъат академияси соврини, иккитадан «Эмми» ва «Тони» мукофоти ва бошқа ютуқлар бор.