Қирғизистон президенти Алмазбек Атамбаев тўрт эгиз фарзанд кўрган оилани табриклади, дея хабар бермоқда «24.kg».
У ушбу оилага барча зарур ёрдамни кўрсатиш ва улар учун яшаш шароитларини яхшилаш масаласини ўрганиб чиқишни буюрди.
Давлат раҳбари номидан президент аппаратининг ижтимоий сиёсат бўлими мудири Гулмира Худойбердиева Гулойим Абдилдаева ва Нурлан Зарнаевни тўрт эгизакли бўлгани билан қутлади.
Эслатиб ўтамиз, 9 апрель куни Бишкекдаги Оналик ва болаликни муҳофаза қилиш миллий марказининг туғруқ уйида тўрт эгизак туғилган эди.
Маълумотларга кўра, чақалоқларнинг биринчиси – 2080 грамм, иккинчиси – 2270 г, учинчиси – 1770 г ва тўртинчиси – 2591 г вазнда туғилган.
Қирғизистон соғлиқни сақлаш вазирлигининг матбуот хизмати айни пайтда она ва болаларнинг саломатлиги яхши ва шифокорлар назорати остида эканлигини маълум қилмоқда.
Қирғизистонлик аёлнинг уч нафар фарзанди бўлиб, эндиликда у етти фарзанднинг онасига айлангани айтилмоқда.
Изоҳ (0)