Гаити соҳили яқинидаги кема ҳалокати 21 кишининг ҳаётига зомин бўлди

Муҳожирларни олиб кеаётган кема Гаити соҳили яқинида ҳалокатга учраши оқибатида 21 киши ҳалок бўлди, деб хабар бермоқда «Коммерсант».

Фуқаро мудофааси хизмати раҳбари Алта Жан-Батистнинг сўзларига кўра, муҳожирлар Провиденсялес оролидан Кариб денгизидаги Тёркс ва Кайкос архипелагига кетаётган бўлган. Кема бортида 50 га яқин киши бўлган.

Об-ҳаво ёмонлашгани боис улар ортга қайтмоқчи бўлган, бироқ кема ҳалокатга учраган. Қурбонларнинг жасадлари Гаити пойтахти Порт-о-Пренсдан бир неча километр шимолроқда жойлашган Ле-Боэн шаҳри яқинидаги соҳилдан топилган. 12 кишининг ҳаёти қутқариб қолинган.