Бугун,

  • USD 11095.31
  • RUB 173.84
  • EUR 10772.44

Украина Олий Радаси Иккинчи жаҳон урушининг барча қурбонлари хотираси учун 8 майни Хотира ва муроса куни деб белгилаш, шунингдек, 9 майни Иккинчи жаҳон урушида нацизм устидан қозонилган Ғалаба куни сифатида қолдириш ҳақидаги қонун лойиҳасини қабул қилди. «Сегодня.ua» хабарига кўра, ушбу ҳужжат 261 нафар халқ депутати томонидан маъқулланган.

Фото: segodnya.ua

Фото: segodnya.ua

Қонунга кўра, 8 май 1939-1945 йилларда бўлиб ўтган Иккинчи жаҳон урушининг барча қурбонлари хотираси ҳурматига Хотира ва муроса куни деб белгиланади ва ҳар йили нишонланади. 9 май эса Украинада Иккинчи жаҳон урушида нацизм устидан қозонилган Ғалаба куни сифатида нишонланадиган давлат байрами ҳисобланади.

Қонунда баён этилишича, Иккинчи жаҳон урушининг барча ёдгорликлари давлат муҳофазасига олинади, ушбу ёдгорликларни таҳқирлаганларга нисбатан жазо чоралари кўрилади.

Ҳужжатнинг кириш қисмида қайд этилишича, БМТ Бош ассамблеяси 2004 йил 22 ноябрдаги резолюцияси билан 8-9 май кунларини хотира ва муроса кунлари деб эълон қилган ва ташкилотга аъзо мамлакатларга, ҳар йили нишонланадиган Ғалаба ёки озодлик кунидан ташқари, қайд этилган ҳар икки кунни ёки кунлардан бирини Иккинчи жаҳон урушида ҳалок бўлганлар хотирасига ҳурмат сифатида ҳар йили нишонлашни тавсия қилган.

Изоҳ
Асосий янгиликлар
Маҳаллий
Дунё
Совуқ урушни расман якунлаган Буш ва Ельцин, Францияга қочиб кетган машҳур режиссёр — Роман Полански ва “Буюк голланд тошқини”. Кун хронологиясида 1 февраль
Бизнес
Кремний водийсини забт этган ўзбекистонлик ҳуқуқшунос: Асрор Арабжонов АҚШга қандай бориб қолгани, виза ва стартаплари ҳақида