Саудия Арабистонининг БМТдаги доимий вакили Абдулла Ал Муаллим Ар Риёд Форс кўрфази давлатларининг Ямандаги вазият бўйича резолюция лойиҳаси ҳақидаги Россиянинг изоҳларини Москва билан муҳокама қилишини маълум қилди, деб хабар бермоқда «Коммерсант».
«Биз Россия билан уларнинг таклифини муҳокама қиламиз. Аммо, агар эмбарго бутун Яманга нисбатан жорий қилинса, бир жиҳат очиқ қолади. Барча келишувларни ва БМТ резолюцияларини бузган, зўравон томон – бу хусийлар. Бир томоннинг ўзини тутиши туфайли яна кимнидир жазолашдан маъно йўқ», − деди Ал Муаллим.
Шунингдек, у араб давлатлари томонидан таклиф қилинган ҳужжат лойиҳасига БМТ Хавфсизлик кенгашида Россия вето қўймаслигига умид билдирган.
Изоҳ (0)