Ўзбекистонда Samsung компаниясининг янги флагман смартфони — Galaxy S6 сотила бошлади, дея хабар бермоқда «Mobinfo.uz». Янги қурилма март ойи бошида Барселонадаги MWC 2015 кўргазмаси доирасида тақдим этилган эди.
Смартфон 8 ядроли Exynos 7429 процессори, 5,1 дюймли ва 2560×1440 пикселли Super AMOLED-дисплей, 16 мегапикселли асосий ва 5 мегапикселли олд камера, 3 Гб тезкор ва 32/64/128 Гб ички хотира, 2550 мА/с сиғимли аккумуляторга эга.
Қурилма Android 5.0 операцион тизимида ишлайди.
Пойтахтнинг «Флешка» савдо мажмуасида Samsung Galaxy S6’нинг 32 Гб лик версияси 3,2 миллион сўмдан сотилмоқда. Таққослаш учун, шундай хотира ҳажмига эга Galaxy S5’ни 1,7 миллион сўмга харид қилиш мумкин.
Изоҳ (0)