Конго Демократик Республикаси йўл ҳаракати тартибини бошқаришнинг жуда замонавий усулидан фойдалана бошлади. Бу йил Конго Демократик Республикаси пойтахтида йўл ҳаракати назоратчиси вазифасини амалга оширадиган учта янги автоматлашган механизм ўрнатилди, деб хабар бермоқда «Infocom.uz».
Ўз ўлчами билан улкан алюминий конструкцияси ташқи қиёфасидан ўтган аср 90 йиллари бошларидаги фантастик фильмлардаги роботларга ўхшайди. Мазкур роботлар светофор ролини бажаради, шунингдек, тартиб бузилиши ҳолатларида фото-видео суратга олишни амалга оширади.
Учта «робокоп» маҳаллий аҳолида ижобий фикр уйғотмоқда. Бироқ мазкур лойиҳага бюджетдан катта маблағ ажратилиши сабабли унинг самарадорлигига шубҳа билан қарайдиган айрим танқид қилувчилар ҳам топилди. Бошқарув машинасига қарши чиқувчилар сўзларига қараганда, тирик тартиб назоратчиси йўлда жуда ҳам эътиборли бўлиб, ҳайдовчиларни жиддий тартибга чақиради, шунингдек, баҳсли мунозаларнинг тез ҳал қилинишига ёрдам беради. Мазкур қурилмалар мазмун-моҳиятига кўра, оддийгина светофор ва видеомониторинг тизими вазифасини амалга ошира олади, холос.
Йўл ҳаракати тартибининг метал посбонлари бир неча камералар, қизил/яшил нурли сигналлар, шунингдек, йўл ҳаракати назоратчиси қўл ҳаракатларини имитация қиладиган кўчма манипулятор-таянчиқ билан жиҳозланган. Электроника қувват манбаи фото-электр панеллар ҳисобига; робот устидан тўсиқ монтаж қилинган. Камера объективига тушган тасвирларнинг ҳаммаси онлайн режимида бўлади ва диспетчер пультида акс этади.
«Робокоплар» ишлаб чиқарувчилари Kongolez муҳандис хотин-қизлари ассоциацияси аъзолари ҳисобланади. Бундай қурилманинг нархи 27,5 минг долларни ташкил этади.
Изоҳ (0)