Қозоғистон Сенати Назарбоевдан навбатдан ташқари президент сайловларини белгилашни сўради

Қозоғистон парламенти Сенати 19 февраль, пайшанба кунги мажлисда давлат раҳбари Нурсултон Назарбоевга йўналтирилган мурожаатномани қабул қилди, унда навбатдан ташқари президентлик сайловларини тайинлаш сўралган, деб ёзади ТАСС. Ҳужжатнинг қабул қилиниши учун 42 палата аъзоларининг 41 нафари овоз берди.

«Қозоғистон Халқ ассамблеяси Кенгаши ташаббусини қўллаган ҳолда Қозоғистон Республикаси президентлигига навбатдан ташқари сайловлар белгилашни сўраймиз», — дейилади мурожаатда.

ҚХА Кенгаши 14 февраль куни бундай ташаббус билан чиққан эди. Қонунчиликкка мувофиқ, навбатдан ташқари сайловлар давлат раҳбари қарори билан белгиланади ва тегишли эълон берилганидан бошлаб икки ой давомида ўтказилади.