Алишер Рўзметов: «Ёш санъаткорларимиз одамларни ҳурмат қилишни ҳам билмайди»

Хонанда Алишер Рўзметов Facebook ижтимоий тармоғи орқали бугунги ўзбек санъаткорлари ҳақида фикр билдирди, деб хабар беради «Даракчи» газетаси.

Қайд этилишича, хонанда «Бугун концертга боргандим. Ёш санъаткорларимиз одамларни ҳурмат, ўзидан катта санъаткорлар билан салом-алик қилишни ҳам билмайди» қабилидаги гапларни ёзиб қолдирган.

Маълумотларга кўра, Алишер Рўзметов шу куни хонанда Манзуранинг «Истиқлол» санъат саройидаги концерт дастурига борган.

Хонанданинг ижтимоий тармоқдаги фикрлари нафақат мухлислар, балки санъат аҳли вакиллари Нодир Лутфуллаев ва Азиз Ражабийни ҳам бефарқ қолдирмади: улар Рўзметовга далда бўлди.