Россия пойтахти Москва шаҳрига ишлагани борган бухоролик ака-укалар маст ҳолатда мудҳиш жиноятга қўл урди, деб хабар бермоқда «Ҳуқуқ» газетаси.
Натижада ака-укалар уни дўппослашни бошлайди ва ўладиган даражагача калтаклайди. Ҳаёт билан видолашаётган ҳамюртларига ёрдам кўрсатиш ўрнига қўшни хонага чиқиб ўтирган қариндошлар унинг жони узилгач хонага киришди. Қилмишларини яшириш мақсадида жасадни ювиниш хонасига олиб кириб, бўлакларга бўлишди. Учта елим халтага солиб, ўзлари ижарада турган уй орқасидаги йўл ёқасига кўмишди.
Қариндошлар 12 март куни Бухорога қайтишди. Профилактика инспекторининг сўровига жавобан суҳбатга бормаган қариндошларга нисбатан амалдаги қонунларга биноан, Маъмурий жавобгарлик тўғрисидаги кодекснинг 194 ва 195-моддалари билан маъмурий баённома расмийлаштирилиб, иш судга оширилди.
10 суткадан маъмурий қамоқ жазоси тайинлангандаёқ, улар безовталана бошлади. Профилактик суҳбат жараёнида қотил ака-укаларнинг тили қалтираб, ҳуқуқни муҳофаза қилиш органлари олдида қилмишларига иқрор бўлишди. Жиноят ишлари бўйича Бухоро вилоят судининг ҳукми билан қотилларга озодликдан маҳрум этиш жазоси тайинланди.
Изоҳ (0)