Қорақалпоғистонда деворий тасвирларни изоҳлаб берувчи қадимий матн топилди

Археологлар қадимий шаҳар Қозоқли-ятганни қазиш ишлари чоғида топилган деворий тасвирлар мазмунини тушунтириб берувчи ёзувларни аниқлади, деб ёзади Uzbekistan Today.

Қорақалпоғистоннинг Беруний туманидаги ушбу археологик ёдгорлик 2004 йилда Қорақалпоғистон-Австралия тарихшунослари томонидан тадқиқ этила бошлади. Илк дала мавсумидаёқ у ердан деворий суратлар топилган эди.

Тасвирлар орасида бошига тож кийган кишилар бор. Ушбу портретларда кимлар тасвирлангани шу пайтгача фақат фараз этилган бўлса, яқинда топилган қадимий Хоразм тилидаги ёзувлар буни аниқ тушунтириб бериши мумкин.