Ўзбекистон Тасвирий санъат галереяси ва OXUS Culture ташкилоти ҳамкорликда Ўзбекистон халқ бахшиси Абдуназар Поёнов ижросидаги «Гўрўғли» достони туркумига кирувчи «Малла савдогар» достонини тинглашга таклиф этади. Бу ҳақда OXUS Culture ташкилоти раҳбари Ҳусниддин Атоев хабар берди.
Қайд этилишича, 24 январь куни соат 16:00 да ўтказиладиган Абдуназар бахши ижро дастуридан «Алпомиш» ва «Гўрўғли» достонлари туркумига кирувчи бир қанча достонлар, шунингдек, достон ижрочилиги йўлидаги халқ қўшиқлари, термалар ўрин эгаллаган.
Таъкидлаш жоиз, Абдуназар бахши ижросидаги бир қанча достон ва қўшиқлар Ўзбекистон радиоси олтин фондидан ўрин олган.
Шунингдек, бахши Франция, Бельгия, Швейцария, Тайвань, Туркия, Озарбайжон, Қозоғистон ва Қирғизистон давлатларида ижодий сафарлар уюштирган бўлиб, ўзбек бахшичилик анъаналарини дунё халқлари орасида муносиб тарғиб қилиб келмоқда.
Достон ижроси 2 соат давом этади. Кечага ташриф буюрувчилар сони чекланган.
Кечага ташриф буюриш истагида бўлганлар 22 январга қадар 233-14-20 рақамига мурожаат қилиши ёки Facebook’даги саҳифага шахсий хабар қолдириши лозим.
Изоҳ (0)