Asus компанияси Лас-Вегасда матбуот анжумани ўтказди ва CES 2015 кўргазмаси доирасида бешта янги қурилма — учта трансформер-ноутбук ва иккита янги смартфон тақдимотини ўтказди. Бу ҳақда «Gazeta.ru»га таяниб, «Kun.uz» хабар бермоқда.
Transformer Book Chi Т300, Transformer Book Chi Т100 ва Transformer Book Chi Т90 трансформер-ноутбукларининг экранлари диагонали мос равишда 12.5, 10.1 ва 8.9 дюймга тенг. Asus компанияси раҳбари Жонни Шининг сўзларига кўра, бу ўз таснифидаги энг ингичка ноутбуклардир. Transformer Book Chi’нинг қалинлиги 1,65 сантиметрни ташкил этади.
Ноутбуклардан ташқари, матбуот анжуманида иккита янги смартфон ҳам намойиш этилди. Биринчиси 4 гигабайт оператив хотирага эга жаҳондаги илк смартфон — Zenfone 2 бўлса, иккинчиси уч карра оптик зумга эга бўлган Zenfone Zoom мобил қурилмасидир.
Хабар берилишича, Zenfone 2 АҚШда 199 доллардан, Zenfone Zoom эса 399 доллардан сотилади.
Изоҳ (0)