World Soccer Роналдуни дунёнинг энг кучли футболчиси деб эълон қилди

Дунёнинг машҳур World Soccer нашри ўз версиясига кўра 2014 йилнинг энг яхши футболчиси номини эълон қилди, деб хабар беради «Stadion.uz».

Унга кўра, Мадриднинг «Реал» жамоаси ҳужумчиси Криштиану Роналду қаторасига иккинчи марта ушбу нашр томонидан йилнинг энг кучли футболчиси деб топилди. Германия терма жамоаси билан жаҳон чемпиони бўлган Мануэль Нойер эса иккинчи поғонани банд этди. «Барселона» ҳужумчиси Лионель Мессига 3-ўрин насиб қилди.

Нашр томонидан тузиб чиқилган 2014 йилнинг энг кучли 10 футболчиси қуйидагилар:

1. Криштиану Роналду («Реал Мадрид», Португалия) — 928 балл
2. Мануэль Нойер («Бавария», Германия) — 789 балл
3. Лионель Месси («Барселона», Аргентина) — 593 балл
4. Арьен Роббен («Бавария», Голландия) — 458 балл
5. Томас Мюллер («Бавария», Германия) — 354 балл
6. Филип Лам («Бавария», Германия) — 264 балл
7. Хамес Родригез («Реал Мадрид», Колумбия) — 243 балл
8. Луис Суарес («Барселона», Уругвай) — 218 балл
9. Анхель Ди Мария («Манчестер Юнайтед», Аргентина) — 183 балл
10. Тони Кроос («Реал Мадрид», Германия) — 168 балл.