Ўзбекистон Республикаси Президенти Ислом Каримов 17 декабрь куни Миллий телерадиокомпания тузилмасида «Маҳалла» номли янги 24 соатлик рақамли республика маърифий телерадиоканалини яратиш тўғрисидаги қарорни имзолади, деб хабар бермоқда «Gazeta.uz».
Янги канал республика аҳолисини, айниқса ёшларни демократик давлат ва фуқаролик жамиятини шакллантиришда, ижтимоий муаммоларни ечишда маҳалла институтининг роли ва аҳамияти ҳақида хабардор қилиш, маҳаллаларнинг турли соҳалардаги тажрибасини аҳолига етказиш каби мақсадларда ташкил қилинаётгани қайд этилган.
Янги телерадиоканал ходимлари сонининг чегараси 154 бирлик (бундан 10 бирлик − раҳбар ходимлар) бўлиб, уларнинг 91 нафари МТРК таркибидаги корхона ва ташкилотларнинг ходимлари сонини такомиллаштириш ҳисобига шакллантирилади. Шунингдек, «Машъал» радиоканали ихтиёридаги ходимлари билан «Спорт» телерадиоканалидан «Маҳалла» канали таркибига ўтказилиши кўзда тутилган.
Изоҳ (0)