Facebook’да Microsoft Uzbekistan саҳифаси пайдо бўлди

Facebook’да Microsoft Uzbekistan саҳифаси ортиқча дабдабаларсиз пайдо бўлди, деб ёзади iLike. 15 октябрда очилган саҳифага ҳозиргача 201 киши обуна бўлган.

Skrinshot: ilike.uz

Скриншот: ilike.uz

«Контент ҳақида гапирадиган бўлсак, саҳифа қизиқарлилиги билан ўқувчиларни ўзига жалб этмайди. У ерда асосан Microsoft’нинг асосий саҳифаларидан олинган хабарлар қайта пост қилинган», — дея қайд этди нашр.

Саҳифада айтилишича, корпорациянинг Ўзбекистондаги миссияси Microsoft фойдаланувчилари ва шериклари сони кўпайишига туртки бериш ва олд технологияларни илгари суришдан иборатдир.

Нашр саҳифада келтирилган Cloud First, Mobile First Company шиоридан келиб чиқиб, Microsoft булут сервисларни ва Lumia смартфонларини олға суришини тахмин қилди.

↓ KEYINGI XABAR ↓
Scroll to top