Ўзининг уч йиллиги муносабати билан Click компанияси смартфон эгалари учун ишлаб чиқарилган «Click-помошчник» иловаси сезиларли даражада янгиланиб, Click фойдаланувчиларига тақдим қилинганини мамнуният билан хабар қилади.
Тақдим қилинган илованинг энг асосий янгиликларидан бири бепул пуш-хабарномаларни олиш имкониятидир. Эндиликда уларнинг киритилиши натижасида илова фойдаланувчилари ҳар бир операция муваффақиятли оширилганда қисқа 880 рақамдан юборилган пуллик SMS-хабарномаларни олмайди. Ушбу SMS-хабарномалар ҳар бирининг нархи 0,005$ эди. Янгиланган илова ўрнатилгандан кейин 880 қисқа рақамдан келадиган барча хабарномалар интернет канали орқали бепул етказилади.
Шу билан бирга иловага бошқа янгиликлар, хусусан, янги бўлимлар киритилди:
- «Мои карти» («Менинг карталарим») бўлими орқали бир неча карта улатган фойдаланувчилар ўз карталарини оператив бошқариш имкониятига эга бўлди. Шу бўлимда яна Duet карталарни Click тизимига улатиш имконияти ҳам жорий қилинган.
- «Поддержка» («Ёрдам») бўлими орқали фойдаланувчилар Click тизимининг энг сўнгги янгиликларидан хабардор бўлиши мумкин ва тўловлар юзасидан саволлар пайдо бўлганда уларни онлайн тарзда тун-у кун ишлайдиган қўллаб-қувватлаш хизматига юбориши мумкин.
- «Виставленние счета» бўлимида фойдаланувчига чиқарилган ҳисоблар рўйхати келтирилади. Шу жойнинг ўзида ушбу ҳисобларни кўриш, уларни тўлаш ёки бекор қилиш мумкин.
Илованинг янги версияси Android операцион тизимида ишлайдиган смартфонлар учун тақдим қилинди. iOS тизимида ишлайдиган смартфонлар учун эса янгиланган илова яқин вақт ичида ишга тушади.