Samsung 2014 йилнинг учинчи чорагида кўпроқ смартфон сотиб, камроқ даромад кўрди

Samsung компанияси 2014 йилнинг учинчи чораги якунларини эълон қилди. Бу ҳақда Phonearena.com маълумотига асосланиб «Пароль» нашри хабар берди.

Компания учинчи чоракда иккинчи чоракка нисбатан кўпроқ смартфон сотган бўлса-да, смартфонлар савдосидан 26,08 миллиард доллар даромад кўрди. Бу эса жорий йилнинг иккинчи чорагида кўрилган даромаддан 15 фоизга кам. Samsung 2013 йилнинг учинчи чорагида эса фақатгина смартфонлар сотувидан 33,87 миллиард доллар даромад кўрган эди.

Мутахассисларнинг фикрича, компания даромадининг пасайишига Note 4 смартфони ўтган йилда тақдим этилган Note 3 каби яхши сотилмаётгани ва Xiaomi ҳамда бошқа Хитой компаниялари Samsung учун қийин даврларни олиб келаётгани сабаб бўлмоқда.

Шунингдек, «Пароль» нашрида қуйидаги мақолаларни ҳам ўқишингиз мумкин:

• Google Maps энди ўзбек тилида;
• iPhone’гача бўлган даврнинг ўнта энг асосий телефонлари;
• Samsung Galaxy смартфонларида уларни синовдан ўтказиш учун яширин рўйхат борлигини биласизми?