Ўзбекистонликлар томонидан энг кўп юклаб олинаётган бепул Android дастурлари ўнлиги эълон қилинди
«Пароль» нашри Google Play маълумотларига асосан ўзбекистонликлар томонидан энг кўп юклаб олинаётган бепул дастурлар ўнлигини тақдим этди. Унда етакчиликни WhatsApp дастури эгаллаб турибди. Қуйида 30 октябрь ҳолатига кўра тузилган энг юқори ўнлик билан танишишингиз мумкин.
WhatsApp – лаҳзали хабар алмашиш «мессенжер»и. Ушбу дастур 500 миллиондан ортиқ юклаб олинган, 19 445 178 нафар киши томонидан баҳоланган ва унинг рейтинги 4,4 баллни ташкил этади;
Фото: www.collegemobile.com
Telegram – тезлик ва хавфсизликка катта эътибор қаратилган хабар алмашиш дастури. Ушбу дастур 10 миллиондан ортиқ юклаб олинган, 832 737 нафар киши томонидан баҳоланган ва унинг рейтинги 4,1 баллни ташкил этади;
Viber – бепул хабар алмашиш ва қўнғироқлар дастури. Ушбу дастур 100 миллиондан ортиқ юклаб олинган, 5 423 747 нафар киши томонидан баҳоланган ва унинг рейтинги 4,3 баллни ташкил этади;
Zero — смартфон интерфейсини ўзгартирувчи дастур. Унда бир қанча 3D эффектли мавзулар, дисплей обойлари мавжуд. У 5 миллион мартадан ортиқ юклаб олинган. 135 237 нафар киши томонидан баҳоланган ва ҳозирда рейтинги 4,3 баллни ташкил этади;
Google Play’дан скриншот
Одноклассники – Одноклассники ижтимоий тармоғининг Android-дастури. Ушбу дастур 10 миллиондан ортиқ юклаб олинган, 662 151 нафар киши томонидан баҳоланган ва унинг рейтинги 4,3 баллни ташкил этади;
SHAREit – файлларни тезроқ бошқа қурилмалар билан бўлишиш учун хизмат қилади. Дастур ҳақида Google Play’да, у файлларни Bluetooth’дан кўра 40 баробар тезроқ жўната олади, деб ёзилган. Ушбу дастур 5 миллиондан ортиқ юклаб олинган, 79 647 нафар киши томонидан баҳоланган ва унинг рейтинги 4,5 баллни ташкил этади;
DU Battery Saver & Widgets – Google Play’да дастур ҳақида, унинг бепул туридан фойдалансангиз батареянгиз қувватини 50 фоизгача тежайди, деб ёзилган. Агар сотиб олинадиган Pro версиясидан фодяланилса батарея қувватини 70 фоизгача тежай олади. Ушбу дастур 100 миллиондан ортиқ юклаб олинган, 3 887 732 нафар киши томонидан баҳоланган ва унинг рейтинги 4,5 баллни ташкил этади;
Clash of Clans — ушбу онлайн ўйинда ўз қишлоғингизни қуришингиз ва қўшинингиз билан бошқа онлайндаги ўйинчилар билан жанг қилишингиз керак бўлади. Ушбу дастур 50 миллиондан ортиқ юклаб олинган. Уни 7 727 450 нафар киши баҳолаган ва унинг рейтинги 4,6 баллни ташкил этади;
Google Play’дан скриншот
Instagram – сурат бўлишиш дастури. Ушбу дастур 100 миллиондан ортиқ юклаб олинган, 16 127 159 нафар киши томонидан баҳоланган ва унинг рейтинги 4,5 баллни ташкил этади;
DU Speed Booster — смартфон хотирасини ортиқча файллардан тозалаб, унингишлашини оширувчи ҳамда бепул антивирусга эга дастур. У 50 миллион мартадан ортиқ юклаб олинган. Уни 3 579 513 нафар киши баҳолаган ва рейтинги 4,5 баллни ташкил этади.
«Пароль» нашри аввалроқ 21 август ҳолатига кўра энг кўп юклаб олинаётган бепул Android дастурлари ўнлигини эълон қилган эди. Ҳозирда ўша рўйхатдан Skype, Facebook Messenger ва Subway Surfers дастурлари TOP ўнталикка кира олмаган. Уларнинг ўрнини эса Zero, Clash of Clans ва DU Speed Booster’лар эгаллаган.
Шу билан бирга Telegram мессенжери Viber’дан иккинчи ўринни тортиб олган бўлса, Одноклассники тўртинчи ўринни янги Zero дастурига топширган. SHAREit дастури 9-ўриндан 6-ўринга кўтарилган бўлса, Instagram эса бешинчи ўриндан 9-ўринга тушиб қолган.
Шунингдек, «Пароль» нашрида қуйидаги мақолаларни ҳам ўқишингиз мумкин:
Изоҳ (0)